Google ADS

Rama merr pjesë në takimin vjetor të Presidiumit të Internacionales Socialiste

23:50 | 25 Shtator 2024
E.G

Kryeministri i Shqipërisë, Edi Rama, i cili ndodhet në Nju-Jork, mori pjesë në takimin vjetor të Presidiumit të Internacionales Socialiste, në cilësinë e kryetarit të Partisë Socialiste. Rama është zv/president i Presidiumit të Internacionales Socialiste.

Rama ndau në rrjetet sociale pamje nga takimi i zhvilluar sot. Ai ka mbajtur dhe fjalën e tij gjatë punimeve të Presidiumit të Internacionales Socialiste.

Kryeministri Rama ndodhet në SHBA, ku mori pjesë dhe foli në takimin vjetor të Kombeve të Bashkuara ‘Samiti për të Ardhmen’, me temë “Dialogu për të ardhmen digjitale”.

Rama po ashtu zhvilloi një sërë takimesh, si me presidentin turk Recep Tayyip Erdoğan; me Sultan Ahmed Al Jaber, ministër i Industrisë dhe Teknologjisë së Avancuar të Emirateve të Bashkuara Arabe etj.

Me ftesë të aktivistit të njohur shqiptar dhe kreut të Këshillit Kombëtar të Diasporës, Mark Gjonaj, Rama zhvilloi një bashkëbisedim me përfaqësuesit e 100 shoqatave të shqiptarëve të Amerikës./atsh

Shpërndaje në rrjete sociale

Lajmet më të lexuara

Të ngjashme

Foto lajm