Në Europe House, u zhvillua ditën e sotme diskutimi me temë “Aderimi në SEPA – Përfitimet Ekonomike për Kosovën”.
Zëvendëskryeministri i Parë për Integrim Evropian, Zhvillim dhe Dialog i Republikës së Kosovës, Besnik Bislimi, ishte pjesëmarrës në panelin e diskutimit, e prezent në ngjarje ishin edhe Shefi i Misionit të BE-së, Aivo Orav, Ambasadori i Gjermanisë, Jorn Rohde, Ambasadorja e Kroacisë, Danijela Barisic, Ambasadorja e Maqedonisë së Veriut, Shpresa Jusufi, si dhe përfaqësues nga Ekipi Ekonomik Gjerman (German Economic Team).
Në adresimet e tij, zëvendëskryeministri tha se Republika e Kosovës po vijon intensivisht punën për anëtarësimin në Tregun Unik të Pagesave në Euro (SEPA).
Ai nënvizoi punën që po zhvillohet në lidhje me miratimin e tri ligjeve të domosdoshme siç është ligji për bankat, ligji për shërbimet e pagesave dhe ligji për parandalimin e pastrimit të parave dhe luftimin e financimit të terrorizmit.
Gjithashtu, zëvendëskryeministri theksoi se edhe Banka Qendrore e Kosovës ka draftuar 20 rregullore që ndërlidhen me SEPA, të cilat pritet të kalojnë për miratim pas aprovimit të këtyre ligjeve në Kuvendin e Republikës.
Zëvendëskryeministri tha se avancimi drejt integrimit në SEPA është një hap i rëndësishëm tutje në kuadër edhe të përafrimit me standardet e Bashkimit Evropian dhe anëtarësimit në familjen evropiane.
Rohde: Kosova mund t’i kursejë deri në 55 milionë euro në vi...
Pamje nga aksidenti zingjiror në Fushë Kosovë ku mbetën të l...
Veliaj me shqiptarët në Amerikë: Takim fantastik i Ramës, vo...
Në deponinë e mbeturinave Gjilan u asgjësuan 19750 kg peshk
Shefi i ushtrisë izraelite: Po përgatitemi për një operacion...
Aksident mes pesë veturave në rrugën Fushë Kosovë – Pr...