Komanda Rajonale e Perëndimit të misionit të KFOR-it ka organizuar sot një “Konferencë të Sigurisë dhe Koordinimit”, në Kampin Villaggio Italia.
Sipas njoftimit, në këtë konferencë kanë marrë pjesë përfaqësues të Misionit të Bashkimit Evropian për Sundimin e Ligjit në Kosovë (EULEX) dhe Komandantët Rajonalë të Policisë së Kosovës dhe Policisë Kufitare të Kosovës.
“Koloneli Rocco Mundo, Komandanti i Komandës Rajonale Perëndim hapi punimet, duke theksuar bashkëpunimin e vazhdueshëm të KFOR-it me të gjithë homologët e tij dhe rëndësinë e koordinimit ndërmjet Policisë së Kosovës, EULEX-it dhe KFOR-it për sigurinë e qëndrueshme në mbarë Kosovën”, thuhet në njoftim.
KFOR-i rithekson se vazhdon të zbatojë mandatin e tij – bazuar në Rezolutën e Këshillit të Sigurimit të OKB-së të vitit 1999 – për të kontribuar në një mjedis të qetë dhe të sigurt për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë./Arbresh.info/
Regjistrohet rasti i pestë me ethet e Nilit Perëndimor në Ma...
KQZ: 4417 aplikime për t’u regjistruar si votues jashtë Koso...
Como arrin fitoren e parë në Serie A ndaj një kundërshtari t...
Zgjidhni problemin me zbokthin me një veprim
Shkroi koment anti-Kosovë, basketbollisti pejan nuk ia zgjat...
CEFTA, Habeck : Po përpiqemi të gjejmë një zgjidhje për Koso...