Ish-portieri i Real Madridit, Keylor Navas është i hapur për t’iu bashkuar Barcelonës, e cila është në kërkim të një portieri pas dëmtimit të Marc-Andre ter Stegen.
Gjermani u dëmtua në ndeshjen e fundjavës ndaj Villarrealit dhe sipas gazetarit Ferran Martinez, Navas do të donte të luante në Nou Camp.
Mesa duket agjenti i tij Jorge Mendes dhe rroga nuk do të jenë problem, ndaj portierin me përvojë mund ta shohin në fanellën e gjigantit katalunas në pjesën e mbetur të sezonit.
37-vjeçari fitoi një numër të madh trofesh me Real Madridin, duke përfshirë tre Liga të Kampionëve, katër tituj të Kupës së Botës dhe titullin e ligës spanjolle.
Navas ka mbetur pa klub që nga fundi i verës, kur i skadoi kontrata me PSG-në, ndërsa më parë ka luajtur për Nottingham Forest, Real Madrid, Levante, Albacete dhe Saprissa, ku ka nisur karrierën.
Ai mbrojti me shumë sukses për kombëtaren e Kosta Rikës dhe bëri 114 paraqitje për këtë ekip të Amerikës Qendrore. /Telegrafi/
Real Madridi në aksion sonte, përballet me Alavesin
Ministria e Punëve të Brendshme do të organizojë nesër hapje...
Vëllau i heroit Afrim Bunjaku: Për ne është dhimbje e madhe ...
Kurti: Afrim Bunjaku vdiq në krye të detyrës, duke u kthyer ...
Hoxha: Amaneti i Afrimit ka qenë ligji dhe siguria
Sevçla: Çdo pjesëtar i ri i policisë që do të vesh këtë unif...