Përfundon punën grupi punues për hartimin e Projektligjit për themelimin e Gjykatës Administrative

17:39 | 23 Shtator 2024
E.G

Zëvendësministri i Drejtësisë, Blerim Sallahu sot ka marrë pjesë në mbledhjen e Komisionit për Legjislacion në Kuvendin e Kosovës ku Grupi Punues ka raportuar për përfundimin e Projektligjit për themelimin e Gjykatës Administrative.

Në fjalën e tij, Sallahu tha se Projektligji për themelimin e Gjykatës Administrative është hartuar duke u bazuar në analizë dhe ekspertiza adekuate si dhe në intervista me gjyqtarë të lëndëve përkatëse, si dhe duke marrë parasysh praktikat më të mira ligjore për themelimin e Gjykatave Administrative, shkruan Arbresh.info.

Tutje ai tha se ky Projektligj synon të përmirësojë efikasitetin dhe qasjen në drejtësinë administrative për qytetarët e Kosovës.

Në fund zëvendësministri Sallahu falenderoi të gjithë anëtarët e Grupit Punues dhe ekspertët që kontribuan në këtë proces të rëndësishëm për drejtësinë dhe qytetarët e Republikës së Kosovës./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm