Trepça fiton derbin lokal, Prishtina e Re ‘shkatërron’ Vjosën

17:29 | 20 Shtator 2024
D.H

Kanë përfunduar edhe dy ndeshjet hapëse të Ligës së Parë në të dyja grupet.

Në takimin e grupit A, janë ballafaquar dy skuadrat nga qyteti i Mitrovicës, Trepça 89’ dhe Trepça.

Derbin lokal e fituan Trepça me rezultat minimal 0-1.

Pas kësaj fitore ‘xehetarët’ kanë 10 pikë aq sa ka edhe Drenica që është lidere mirëpo ka një ndeshje më pak.

Ndërsa në sfidën tjetër të grupit B, Prishtina e re e ka ‘demoluar’ Vjosën në udhëtim, duke e mposhtur me rezultat bindës 0-5.

Kryeqytetasit kanë treguar formë të lartë këtë fillim të sezonit, duke shënuar pesë fitore në pesë ndeshjet e parë.

Ata prijnë në tabelën e grupit B, me 15 pikë të grumbulluara./ge

Shpërndaje në rrjete sociale

Lajmet më të lexuara

Të ngjashme

Foto lajm