Ministrja e Drejtësisë, Albulena Haxhiu, priti sot në takim homologun e saj nga Malta, Jonathan Attard, i cili ishte i shoqëruar nga Ambasadorja e Maltës në Kosovë, Juliana Scerri Ferrante.
Sipas njoftimit, ky takim përfaqëson një tjetër hap përpara në zgjerimin e marrëdhënieve bilaterale mes dy vendeve, duke u fokusuar në çështjet kyçe të drejtësisë dhe bashkëpunimit ndërkombëtar, shkuan Arbresh.info.
Gjatë takimit, Haxhiu ndau arritjet e rëndësishme të Ministrisë së Drejtësisë gjatë këtij mandati, duke theksuar reformat e ndërmarra për forcimin e sundimit të ligjit dhe përmirësimin e institucioneve të drejtësisë.
Ajo gjithashtu nënvizoi sfidat e vazhdueshme që kanë shoqëruar këto reforma, përfshirë nevojën për të përmirësuar efikasitetin e sistemit gjyqësor dhe rritjen e besimit të qytetarëve në institucionet e drejtësisë.
Ndërkaq, Attard shprehu mirënjohjen për përpjekjet e Kosovës në fushën e drejtësisë dhe ofroi përvojat e Maltës në forcimin e institucioneve demokratike, përmes një qasjeje gjithëpërfshirëse dhe transparente.
“Të dy palët theksuan rëndësinë e shkëmbimit të përvojave dhe ekspertizës për të adresuar sfidat e përbashkëta, si dhe nevojën për të bashkëpunuar më ngushtë në nivel ndërkombëtar.”, thuhet në njoftimin e ministrisë.
Mes të tjerash, palët u dakorduan për krijimin e mekanizmave më të fortë bashkëpunimi, që do të kontribuojnë në arritjen e qëllimeve të përbashkëta në forcimin e sundimit të ligjit dhe zhvillimin e demokracisë në të dy vendet./Arbresh.info/
Mbyllen ndeshjet e xhiros së parë: Kjo është gjendja tabelar...
Gjermania shton masat e sigurisë për festivalin e birrës dhe...
Kurti: Anëtarësimi i Kosovës në BE objektiv i qartë, koha që...
Shqipëri/ Dorëhiqet gjyqtarja e Gjykatës Kushtetuese, Elsa T...
Njihuni me shkaktarët e zakonshëm që ju bëjnë të shtoni pesh...
Hansi Flick debuton me humbje në Ligën e Kampionëve, Barça m...