Ministri i Financave, Punës dhe Transfereve, Hekurani Murati, priti sot në takim deputetët e Komisionit për Çështje të Punës dhe Sociale të parlamentit gjerman.
Takimi, sipas njoftimit, u fokusua në situatën ekonomike të vendit, me theks të veçantë në fushën e punësimit.
Ministri Murati e njoftoi Komisionin lidhur me kushtet e tregut të punës në Kosovë, duke përmendur rritjen e pjesëmarrjes së grave dhe të rinjve si një ndër të arriturat kryesore në këtë fushë.
“Deputetët gjermanë u njoftuan edhe lidhur me proceset që po ndërmerren nga aspekti administrativ, përfshirë këtu riorganizimin e Agjencisë së Punësimit, ngritjen e kapaciteteve të Inspektoriatit të Punës e kështu me radhë”, thuhet në njoftim.
Së fundmi, Ministri dhe deputetët gjermanë diskutuan lidhur me mundësitë e bashkëpunimit, si dhe shkëmbimin e praktikave më të mira mes të dyja vendeve./Arbresh.info/
Vendosen senzorë tokësorë në dy rrugë në lagjen Ulpiana
Osmani takon presidentin gjerman: Procesi i Berlinit shtysë ...
154 aksidente gjatë muajit shtator në rajonin e Ferizajt
Aksident në rrugën Shirokë -Suharekë, lëndohen disa persona
Kievi heton “ekzekutimin më masiv” të ushtarëve të kapur nga...
Kjo është lista me emrat e të famshmëve që kanë qenë pjesë e...