Google ADS

Pesë yjet që kanë munguar në stërvitjen e fundit të Realit para përballjes së parë në Ligën e Kampionëve

12:39 | 16 Shtator 2024
E.K

Real Madridi po ka probleme të mëdha këtë sezon me lëndimin e futbollistëve.

Los Blancos janë në hall të madh me lëndimet dhe në seancën e fundit stërvitore kanë munguar pesë yjet e skuadrës.

Eder Militao, Brahim Diaz, Eduardo Camavinga, Dani Ceballos dhe David Alaba mungojnë të gjithë në stërvitjen e Real Madridit përpara ndeshjes së tyre në Ligën e Kampionëve të martën.

Dihet se Alaba, Camavinga dhe Brahim do të mungojnë për ca kohë. Por surpriza është me Militao dhe Ceballos.

Militao luajti ndeshjen e fundit të Real Madridit duke ndihmuar Los Blancos të mbajnë portën e paprekur në fitoren 2-0 në udhëtim te Real Sociedad.

Ndërkohë, Ceballos pritej të kthehej menjëherë pas pushimit ndërkombëtar, por ai ende mungon në javën e tretë të dëmtimit të tij.

Lajmi i mirë është se Jude Bellingham dhe Aurenlien Tchouameni tani janë rikuperuar plotësisht dhe pritet të paraqiten në ndeshjen kundër Stuttgartit të martën./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm