Google ADS

Protestohet para policisë në Mitrovicë të Veriut, kërkohet lirimi i katër serbëve

11:49 | 11 Shtator 2024
A Z

Një grup qytetarësh po protestojnë para stacionit policor në Mitrovicë të Veriut për shkak të arrestimit të katër të rinjve serbë.

Në këtë protestë të paralajmëruar nga partia “Demokracia Serbe” që udhëhiqet nga Aleksandar Arsenijeviq po kërkohet lirimi i tyre, njofton Kossev.

Protesta po përcillet edhe me fishkëllima.

Policia e Kosovës kishte arrestuar mbrëmjen e së hënës katër serbë në Mitrovicë të Veriut, meqë të njëjtit fillimisht kanë ofenduar e më pas edhe sulmuar zyrtarët policorë që ishin duke patrulluar.

Petrit Fejza, shef i operatives rajonale në Mitrovicë Veriore, bën të ditur për Klankosova.tv se të dyshuarit pas arrestimit janë dërguar në stacion policor, ku i është bërë alkool testi, i cili ka rezultuar se ishin në ndikim të alkoolit.

Të arrestuarit janë të moshës 21-23 vjeçare.

Shpërndaje në rrjete sociale

Lajmet më të lexuara

Të ngjashme

Foto lajm