Anglia ka shënuar fitore me rezultat të pastër 2-0 në udhëtim ndaj Irlandës, ndeshje kjo e vlefshme për sezonin e ri të Ligës së Kombeve.
Për t’i dhënë epërsinë ‘Tre Luanëve’ u përkujdes Declan Rice i cili në minutën e 11-të shënoi për 1-0.
Anglia ishte fare pranë golit të dytë në minutën e 16-të, por Harry Kane nuk u tregua cinik përballë portës duke goditur në drejtim të portierit Caoimhin Kelleher.
Ekipi i udhëhequr nga Lee Carsley e gjeti eventualisht edhe golin e dytë, ku sërish protagonist ishte Declan Rice, kësaj radhe në rolin e asistuesit pasi Jack Grealish (26’) e çoi topin në rrjetë për 2-0.
Duke marrë parasysh epërsinë komode prej dy golash, Anglia luajti më me qetësi në vazhdim të ndeshjes duke pritur ndonjë gabim eventual të kundërshtarit.
Pjesa e dytë ishte mjaft e qetë sa i përket rasteve për gol pasi asnjëra palë nuk po rrezikonin portën dhe kështu Anglia mori tri pikët e para.
‘Tre Luanët’ do të rikthehen sërish në aksion të martën, ku për kundërshtar do ta kenë Finlandën në ‘Wembley’./Telegrafi/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite