Mbyllja e pikës kufitare në Bërnjak, Gërvalla kritikon policinë serbe: Bashkëfajtore e këtij seleksionimi racist dhe fashist

21:58 | 6 Shtator 2024
R J

Duke filluar nga ora 18:00, dhjetëra serbë janë mbledhur në pikat kufitare të Serbisë, për të bllokuar hyrje-daljet në Kosovë.

Së fundmi, janë vërejtur disa persona të maskuar, të cilët po ndalojnë veturat në sy të policisë serbe.

Lidhur me këtë, ka reaguar ministrja e Punëve të Jashtme të Kosovës, Donika Gërvalla, ku mosndërhyrjen e policisë serbe për të siguruar lëvizjen e lirë të qytetarëve, e quan bashkëfajtore të seleksionimit racist dhe fashist.

“Në pikën kufitare në Bërnjak, persona të maskuar po ndalojnë edhe veturat me regjistrim gjerman dhe pas konstatimit që janë shqiptarë, nuk po i lënë të kalojnë. Vetura e policisë serbe veç shikon dhe nuk ndërhyn për të siguruar lëvizjen e lirë të qytetarëve, duke u bërë kështu bashkëfajtore e këtij seleksionimi racist dhe fashist, i cili sjell në mendje kohë të errëta dhe si i tillë nuk guxon të tolerohet.

Pika kufitare në Bërnjak mbyllet deri sa të largohen të maskuarit dhe të kthehet lëvizja e lirë.”, shkruan Gërvalla.

Shpërndaje në rrjete sociale

Lajmet më të lexuara

Të ngjashme

Foto lajm