Linja direkte ajrore Talin-Tiranë do të shtojë numrin e turistëve nga Estonia drejt Shqipërisë, do të rrisë shkëmbimet ekonomike dhe do të afrojë më shumë të dy popujt.
Kështu deklaroi presidenti i Shqipërisë, Bajram Bagaj, gjatë takimit që zhvilloi në Estoni me homologun e tij, Alar Karis, në kuadër të vizitës që po zhvillon në Republikat Baltike.
Zyra e shtypit e Presidencës bën të ditur gjithashtu se forcimi i marrëdhënieve dypalëshe, finalizimi i procesit për anëtarësimin e Shqipërisë në BE, zgjerimi i Unionit në Ballkanin Perëndimor, bashkëpunimi për sigurinë kibernetike, Ukraina dhe reagimi kundër agresionit rus, ishin në fokus të bisedës në takimin kokë më kokë mes dy presidentëve.
Në takim u vlerësua ndihma estoneze ndaj Shqipërisë përballë pasojave nga sulmi kibernetik i vitit 2022 dhe, në këtë aspekt, Begaj theksoi se ky bashkëpunim mund të thellohet përmes akademisë estoneze për trajtimin dhe kualifikimin e të rinjve shqiptarë në fushën kibernetike.
Gjatë vizitës në Talin, Begaj i shoqëruar nga homologu estonez, zhvilloi edhe një vizitë në Memorialin e Viktimave të Komunizmit./tch
Ancelotti: Nuk ka favorit në El Clasico, është një lojë e ko...
Balluku takim me të moshuarit në Lushnjë: Zgjerim i shërbime...
Kurti vizitoi për ngushëllime familjen Koshi
Gjykimi në rastin “Januzi dhe të tjerët” fillon ...
Blinken kërkon zgjidhje diplomatike për konfliktin në Liban
KMDLNJ e quan provokim vendosjen e kryqit në varrezat e mysl...