Shërbimi Korrektues do të shfaq nga një film çdo javë për të burgosurat në Lipjan

19:32 | 3 Shtator 2024
K.B

Shërbimi Korrektues i Kosovës ka njoftuar se tani e tuje shfaqja e filmave do të jetë pjesë e një programi rutinor javor për të burgosurat në Qendrën Korrektuese të Femrave në Lipjan.

Kjo pasi siç thuhet në një njoftim nga SHKK-ja, sot ( e martë) është shfaqur një film artistik dhe ka ngjallur një interes të jashtëzakonshëm tek të burgosurat, të cilat e ndoqën filmin me një përkushtim të madh

“Tash e tutje, shfaqja e filmave do të jetë pjesë e një programi rutinor javor, ku do të prezantohen filma historikë, komedi dhe të zhanreve të ndryshme, me synimin për të ofruar një mundësi të re socializimi dhe risocializimi, si dhe për të ndikuar pozitivisht në procesin e rehabilitimit dhe riintegrimit të të burgosurave”, thuhet në njoftimin për media./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm