Dashi

Po rrihni ujë në hava me pretendimet për një pronë apo post. Bëhuni praktikë e shikoni të gjitha mundësitë që ju jepen. Është koha të bëni një lëvizje taktike me financat duke investuar në një projekt biznesi. Në dashuri jeni ende i varur nga e shkuara, ndërsa në aspektin social ju duhet të vlerësoni limitet e secilit. Pika e dobët është egoizmi, çelësi i suksesit; durimi.

Demi

Parashikohen zhvillime të vrullshme në sferën sociale që nuk do kenë mbështetjen e të gjithëve. Mania juaj për të përgjuar se çfarë thonë të tjerët ju ka bërë të padëshiruar për rrethin miqësor. Në dashuri po ecni me symbyllur e pa frena. Kujdes duhet të tregoni për çështjet financiare, ndërsa në raport me procesin profesional, nuk do ju ecë çdo gjë vaj. Pika e dobët është pabesia; çelësi i suksesit; simpatia.

Binjakët

Binjakë të dashur pasi jeni rikuperuar nga një emocion i së kaluarës, erdhi momenti për të shfaqur gjithë zhdërvjellësinë tuaj. Lumturia vjen kur nuk e prisni, ndaj mos lini të kalojnë momentet e bukura. Një person pranë jush po jeton ndjenja të ëmbla sentimentale, jepini vëmendje. Financat janë të mira ndaj mund të bëni ndonjë udhëtim romantik. Pika e dobët është pasiguria në punë, çelësi i suksesit; buzëqeshja.

Gaforrja

Planifikoni të punoni me orë të zgjatura sepse një projekt në grup do ju sjellë shumë fitime. Lakmia për më shumë para do ju bëjë të lini pas dore një person që pret nga ju për të përfunduar punët e lëna pezull. Rregulloni raportet me ish-partnerin për të sheshuar një hatërmbetje që ju lëndon. Dashuria është në qiellin e shtatë, gëzojeni. Pika e dobët është shëndeti; çelësi i suksesit; paratë.

Luani

Hej luanë krenarë, shijojeni verën në maksimum. Vjeshta do ju përkëdhelë me një histori të ëmbël dashurie. Në sferën financiare po shihni ditë të mira. Profesionalisht sot do merrni lajme që do ju gëzojnë, por do jua shtojnë edhe përgjegjësitë. Shëndeti është i mirë, ndërsa ju duhet të tregoni kujdes me fjalët që mund të prekin sedrën e dikujt. Pika e dobët sot është mungesa e modestisë, çelësi i suksesit; vetëbesimi.

Virgjëresha

Njerëzit po tregohen të përzemërt, shfrytëzojeni për të arritur synimet tuaja. Merrni gjithë kohën tuaj për t’u relaksuar. Shëndeti është i shkëlqyer, ruani stabilitetin me aktivitet fizik. Lojërat me zemrën nuk mund të rrezikojnë përtej durimit. Lutjet tuaja për një harmoni në familje duket se janë plotësuar. Financat po shënojnë rritje. Pika e dobët është, por edhe çelësi i suksesit njëkohësisht është përpikmëria.

Peshorja

Peshore simpatike, peshoni çdo rast që ju jep sfera sentimentale. Hapeni zemrën dhe dorëzohuni në krahët e dashurisë. Qëndroni seriozë në çështjet profesionale për t’i dhënë rëndësi pozicionit tuaj. Kurseni para për të patur rezerva më vonë. Kolegët kanë besim tek ju falë sigurisë që u falni. Pika e dobët është nxitimi, ndërsa çelësi i suksesit; fleksibiliteti.

Akrepi

Sfera sentimentale po ju jep sinjale të forta. Zemra juaj nuk jeton pa dashuri. Shkarkojeni tensionin e kohëve të fundit dhe bëni sa më shumë aktivitet fizik. Dikush ju përgjon në çdo veprim që bëni, tregohuni vigjilentë. Pika e dobët është përgjumja, çelësi i suksesit; inteligjenca.

Shigjetari

Jeni bërë melankolikë. Natyra juaj e rrëmbyer dhe pasionante u ka rënë në sy shumë personave dhe duhet të tregoheni të zgjuar për të kuptuar ata që janë të sinqertë. Lëvizni me kujdes në planin profesional për të mos rënë në sy për keq për shkak të lakmisë nga e cila nuk hiqni dot dorë. Pika e dobët sot është mungesa e sinqeritetit, çelësi i suksesit; sensi fantastik i humorit.

Bricjapi

Bricjapë delikatë, po kaloni një periudhë të begatë në familje. Udhëtimet drejt të afërmve janë shtuar për shkak të një pauze në punë që në fakt nuk është aq pozitive nëse vazhdoni ta zgjasni. Kusuret e një debati që po i vuani tani do ju kushtojnë pak nervat. Pika e dobët, kujtimet e vjetra; çelësi i suksesit; pozitiviteti.

Ujori

Keni ngecur në grackën e liderit. Ky post po ju shijon dhe keni harruar se çfarë janë sakrificat. Sharmi juaj u pëlqen edhe të tjerëve dhe ju bëjnë gjithmonë vend me përzemërsi. Sfera financiare është e shtruar tashmë, ndërsa dashuria nuk mungon kurrë rreth jush. Pika e dobët është njeriu i zemrës, çelësi i suksesit; zemërgjerësia.

Peshqit

Peshq të këndshëm ruani reputacionin e mirë që gëzoni në publik. Rrethi shoqëror ju konsideron person me rëndësi. Aferat financiare mos i refuzoni. Në dashuri studioni me kujdes se çfarë synimesh ka partneri. Pika e dobët është shpërdorimi i besimit, çelësi i suksesit; vullneti.