Atleti nga Kosova, Grevist Bytyqi, ka përfunduar pjesëmarrjen e tij në Lojërat Paralimpike që po mbahen në Paris.
Bytyqi garoi në atletikë, në grupin T46, vrapim deri në 1.500 metra.
Ai përfundoi i 15-ti në grupin e tij me kohë prej 4:32.88 – që është koha më e mirë personale e tij.
Bytyqi, 33 vjeç, është atleti i parë që ka përfaqësuar Kosovën në Lojërat Paralimpike.
Lojërat Paralimpike nisën më 28 gusht dhe në to marrin pjesë më shumë se 4.000 atletë me dëmtime fizike, pamore dhe mendore, do të garojnë në 22 sporte.
Këto lojëra po mbahen disa javë pasi Parisi mirëpriti Lojërat Olimpike Verore. Kosova mori pjesë në Lojërat Olimpike me 11 sportistë dhe ekipi kosovar e përfundoi Olimpiadën me dy medalje, të bronztë dhe të argjendtë, që të dyja në xhudo. Përveç këtyre medaljeve, xhudistet kosovare në Lojërat paraprake Olimpike, në Rio dhe Tokio, i kanë siguruar Kosovës edhe tri medalje të arta./rel
Mbyllen ndeshjet e xhiros së parë: Kjo është gjendja tabelar...
Gjermania shton masat e sigurisë për festivalin e birrës dhe...
Kurti: Anëtarësimi i Kosovës në BE objektiv i qartë, koha që...
Shqipëri/ Dorëhiqet gjyqtarja e Gjykatës Kushtetuese, Elsa T...
Njihuni me shkaktarët e zakonshëm që ju bëjnë të shtoni pesh...
Hansi Flick debuton me humbje në Ligën e Kampionëve, Barça m...