Google ADS

Abdixhiku: LDK po hyn me ekip të ri në zgjedhje

17:29 | 28 Gusht 2024
E.G

Kryetari i Lidhjes Demokratike e Kosovës (LDK), Lumir Abdixhiku, e ka pritur sot në takim ambasadorin e Mbretërisë së Bashkuar, Jonathan Hargreaves.

Me anë të një postimi në Facebook, ai ka bërë të ditur se ka njoftuar ambasadorin mbi përgatitjet për zgjedhjet e 9 shkurtit, programin politik ‘Rruga e Re’ dhe fokusin tonë elektoral në politika zhvillimore e projekte që kanë rëndësi e peshë njëmend për qytetarët në vend, shkruan Arbresh.info.

“LDK po hyn në zgjedhje me ekip të ri, program të ri, ide të reja! Mbi të gjitha me entuziazëm të unitetit e me shpresë për të ardhmen e vendit. Ambasadorit po ashtu i theksova rëndësinë e mbështetjes ndërkombëtare për stabilitetin dhe zhvillimin demokratik të Kosovës; në veçanti në përballje me kundërshtarët e shtetësisë sonë”, ka shkruar ai.

“Mbretëria e Bashkuar ka qenë dhe mbetet aleat i ngushtë i yni në këtë drejtim. Për këtë, ne dhe populli i Kosovës mbesin mirënjohës përherë”, u shpreh Abdixhiku./Arbresh.info/

 

 

Shpërndaje në rrjete sociale

Lajmet më të lexuara

Të ngjashme

Foto lajm