Shkëndija merr tri pikë dhe kryesimin në renditje

23:41 | 25 Gusht 2024
D.H

Java e tretë e Ligës së Parë të Maqedonisë së Veriut është kompletuar me ndeshjen e fundit AP Brera – Shkëndija, të cilën tetovarët e fituan me rezultat 0-2.

Skuadra e trajnerit Jeton Beqiri me pak mund por me administrim të mirë të lojës dhe një disiplinë të madhe, mori tri pikë të rëndësishme në Strumicë, atje ku shumë ekipe e kanë vështirë të fitojnë.

Autor i dy golave ishte Fiton Ademi, i cili u tregua dinak dhe i shkathët pranë portës kundërshtare. Fillimisht shënoi në minutën e dytë të pjesës së dytë, ndërsa golin e radhës e shënoi në minutën e 63-të.

Pjesën tjetër të lojës Shkëndija e menaxhoi mjaft mirë, ndërsa trajneri Beqiri bëri disa zëvendësime të rëndësishme për të freskuar ekipin.

Shpërndaje në rrjete sociale

Lajmet më të lexuara

Të ngjashme

Foto lajm