Barcelona aktualisht po punon në tre largime, Vitor Roque (huazim te Real Betis), Clement Lenglet (huazim te Atletico Madrid) dhe Mikayil Faye (transferim i përhershëm në Rennes).
Drejtuesit e klubeve shpresojnë që këto largime të jenë të mjaftueshme për të regjistruar më në fund Dani Olmo në La Liga, dhe kwto largime gjithashtu mund të ndihmojnë në ofertën e tyre për të nënshkruar me Federico Chiesan.
Chiesa është shfaqur si objektivi kryesor i Barcelonës. Tashmë palët janë rënë dakord për kushtet personale dhe në ditët në vijim pritet t’i dërgohet një ofertë hapëse Juventusit.
Sipas Di Marzio, të gjitha palët e përfshira në marrëveshje janë gjithnjë e më të sigurt se ajo do të mbyllet përpara mbylljes së afatit kalimtar veror të premten.
Është raportuar gjerësisht se Juventus po kërkon rreth 15 milionë euro. Nëse Barcelona siguron një marrëveshje për afërsisht këtë shumë, mund të jetë një nënshkrim relativisht i mirë.
Megjithatë, ka një rrezik në këtë marrëveshje, pasi Chiesa ka pasur vështirësi në vitet e fundit me lëndime. /Telegrafi/
Ripërsërit Vuçiq: Nuk do të heqim dorë kurrë nga Kosova
Bie numri i familjeve që marrin asistencë sociale
Prokurori i lartë mbështet lirimin me kusht të vëllezërve Me...
Murati e Ismaili takuan zëvendëspresidenten e Bankës Botëror...
Sulmet turke raportohet se kanë vrarë 27 civilë në Siri
Sot fillon faza e dytë në Superligën e Kosovës, vetëm një nd...