Zgjedhjet e ardhshme kombëtare të Gjermanisë janë caktuar për në 28 shtator 2025.

Kancelari Olaf Scholz thotë se ai do të kandidojë për një mandat të dytë, por partia e tij dhe të tjerët në koalicionin e tij trepartiak kanë parë rënie të mprehtë të popullaritetit të tyre si rezultat i përplasjeve të vazhdueshme të brendshme, shkruajnë mediat e huaja, përcjell Telegrafi.

Zyra e Presidentit Frank-Walter Steinmeier tha të premten se kreu i shtetit ka nënshkruar rekomandimin e qeverisë dhe ka caktuar zyrtarisht datën e zgjedhjeve për Bundestagun, dhomën e ulët të parlamentit.

Bundestagu më pas zgjedh kancelarin, pas javësh ose ndonjëherë muajsh negociatash për koalicionin.

Scholz ka drejtuar një koalicion trepartiak të socialdemokratëve të tij të qendrës së majtë me ambientalistët të Gjelbrit dhe Demokratët e Lirë pro-biznesit që nga dhjetori 2021.

Aleanca, e cila bashkon partitë që nuk ishin tradicionalisht aleate, është bërë e njohur për përplasje të shpeshta të brendshme.

Gjermania është anëtari më i populluar i Bashkimit Evropian dhe ka ekonominë më të madhe të Evropës.

Zgjedhjet duhet të mbahen ndërmjet 46 dhe 48 muajve pas fillimit të mandatit parlamentar. Të fundit u mbajtën më 26 shtator 2021. /Telegrafi/