Mesfushori kosovar Granit Xhaka, ka qenë protagonist në fitoren e Bayer Leverkusenit në duel me Borussia Monchegldach.
Kampioni në fuqi i Gjermanisë e nisi me fitore sezonin e ri në Bundesligën gjermane duke mundur në udhëtim Monchengladach (2-3).
Reprezentuesi shqiptar i Zvicrës pas vetëm 12 minutave lojë i shënoi një supergol ish-skuadrës së tij.
Ai thotë se për shkak të respektit që ka për Monchengadbach, nuk e ka festuar golin e shënuar.
“E di se si është të luash në këtë stadium, por ne bëmë gjithçka mirë në këtë ndeshje hapëse që ishte e veçantë. Topi erdhi tek unë në momentin e duhur dhe unë u desh të gjuaja menjëherë. Natyrisht, për shkak të respektit që kam ndaj tifozëve të Borussia Moenchengladbachut, nuk festova”, ka thënë Xhaka.
Ai thotë se synimi i skuadrës së tij që të luajë në Ligën e Kampionëve edhe në sezonin e ardhshëm.
“Ne duam të luajmë në Ligën e Kampionëve edhe në sezonin tjetër, por e rëndësishme është që hapi i parë ishte i duhuri”, ka deklaruar Xhaka pas ndeshjes./rtk
Vuçiq: Serbia, e vendosur të forcojë bashkëpunimin me SHBA-n...
Ky është Florim Zeqiri, personi që u qëllua për vdekje sot n...
“U intervistova për zbardhjen e të vërtetës”, De...
Vdes 111 vjeçarja nga Ferizaj, Xhezide Alija, një ndër gratë...
Termat “Prindi 1” dhe “Prindi 2”, Pacolli:...
“U qëllua me 6 plumba prapa shpinës”, detaje për incidentin ...