Kryetari i Aleancës për Ardhmërinë e Kosovës (AAK), Ramush Haradinaj, sot ka vizituar Podujevën, ku ka bërë homazhe pranë lapidarëve të të rënëve për lirinë e Kosovës dhe ka zhvilluar një bashkëbisedim me qytetarët dhe veteranët e luftës.
Haradinaj gjatë fjalës së tij ka vlerësuar lart kontributin e heronjve dhe dëshmorëve llapjanë në luftën për liri. Ai theksoi se vargu i tyre është i gjatë dhe ka pasur një rol të rëndësishëm në çlirimin e vendit.
“Heronjtë e Llapit kanë një hise të madhe në lirinë e Kosovës. I gjatë është vargu i heronjve dhe dëshmorëve llapjanë që i kanë dhënë vlerë kësaj nahije dhe krejt Kosovës. Që nga Adem Demaçi, disidenti më i madh i historisë së re të Kosovës, Zahir Pajaziti, Ilir Konushevci, Edmond Hoxha, Ali Ajeti e shumë të tjerë, që tashmë janë ngritur në altarin e lavdisë shqiptare,” ka shkruar Haradinaj.
Në përfundim Haradinaj ka shprehur nderim dhe përulje para lapidarëve të dëshmorëve, duke theksuar se kujtimi për këto kohë lavdie duhet të jetë frymëzim për ta bërë Kosovën ashtu siç e kishin ëndërruar dëshmorët – të lirë, të pavarur dhe të panënshtruar./Arbresh.info/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite