Legjenda e filmit francez, Alain Delon, ka vdekur në moshën 88-vjeçare, ka njoftuar familja e tij.
“Alain Fabien, Anouchka, Anthony, por edhe (qeni i tij) Loubo, me pikëllim të thellë iu njoftojmë për vdekjen e babait tonë. Ai vdiq paqësisht në shtëpinë e tij, i rrethuar nga tre fëmijët dhe familja e tij”, u tha në deklaratën e familjes dërguar AFP-së.
Aktori, i njohur për rolet e tij në filmat klasik “Purple Noon” (1960) dhe “Le Samurai” (1967), vdiq gjatë natës, tha familja.
Më 2023, emri i aktorit Alain Delon, u soll sërish në qendër të vëmendjes pasi tre fëmijët e tij ngritën ankesë kundër asistentes së aktorit, Hiromi Rollin, duke e akuzuar atë për sjellje kërcënuese dhe ngacmim.
Viteve të fundit, Alain Delon, ishte përballur me probleme shëndetësore, teksa më 2019 ai kishte pësuar një sulm.
Në maj të vitit 2019, ai kishte bërë paraqitjen e tij të fundit të madhe publike në tapetin e kuq, kur pranoi një çmim nderi në Festivalin e Kanës.
Gjatë karrierës së tij, ai ka luajtur në mbi 90 filma./rel
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite