Shefi i ndërrimit të policisë në Ferizaj është suspenduar nga detyra pas ngjarjes tragjike të ndodhur mbrëmë në këtë qytet, ku një polic dyshohet për vrasjen e një personi.
Edhe pse shefi i ndërrimit nuk është i përfshirë në incident, masa e suspendimit është marrë për shkak të menaxhimit të dobët të zyrtarëve të tij policorë.
Lajmin për Arbresh.info e konfirmoi zv/drejtori rajonal i Policisë në Ferizaj, Qazim Reka.
“Po mund të ju konfirmoj që kjo ka ndodhur. Është masë e cila është ndërmarrë nga policia, është masë preventive nuk është masë se zyrtari ka marrë pjesë në rast. E kemi vlerësuar se i njëjti nuk ka monitoruar policët që ka pasur dhe kjo është kështu”, ka thënë Reka.
Ndryshe, një ngjarje e rëndë ka ndodhur mbrëmjen e së premtes në parkingun e një salle dasmash në fshatin Bibaj të Ferizajt.
Policia ka njoftuar se një person në moshë të shtyrë është vrarë nga i dyshuari që është zyrtar policor.
Nga dyshimet e para Policia tha se kjo vrasje “nuk ishte aksidentale, por e qëllimshme”.
Prokuroria e Ferizajt duke njoftuar për rastin tha se i dyshuari për vrasje është zyrtar policor dhe i njëjti me vendim të Prokurorit të Shtetit, është ndaluar në kohëzgjatje prej 48-orësh./Arbresh.info
LEXO EDHE:
Ekskluzive: Personi i vrarë në dasmën në Ferizaj është xhaxhai i bashkëshortit të Presidentes Osmani
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite