Kryeministri i Kosovës, Albin Kurti ka njoftuar se nga Pakoja e Ringjalljes Ekonomike do të ndajnë 12.3 milionë euro për shëndetësinë, arsimin dhe ndërmarrjet publike.
Ai tha se për Trepçën do t’i ndajnë 4 milionë euro në mënyrë që të tejkalohet kriza aktuale, shkruan Arbresh.info.
“Për ndërmarrjet publike 4 milionë euro, dedikuar për mbështetjen ndaj Trepçës në mënyrë që të tejkalohet kriza aktuale ku ndërmarrja nuk ka arritur të sigurojë pagat nga xehja e nxjerr. Duket se ka tepër shumë punëtorë mbi tokë për xehet e pakta të nxjerra nga nëntoka”, tha Kurti.
Tutje, kryeministri bëri të ditur se 1.7 milion euro do të ndahen për blerjen e pajisjeve të reja dhe funksionalizimit të poliklinikës në Podujevë, ndërkohë 6.5 milionë euro për të kompletuar shumën e nevojshme për subvencionimin e teksteve dhe materialeve shkollore.
“Përkushtimi ynë në sigurimin e arsimit të barabartë dhe të qasshëm për të gjithë, është i palëkundur”, u shpreh Kurti./Arbresh.info/
Vdes një i burgosur në Spitalin e Gjilanit, SHKK jep detaje
Gërvalla udhëton në Kanada, merr pjesë në takimin e ministre...
Përmbytjet në Itali, evakuohen 1500 persona
Balluku në takimin e ministrave të Transportit në Budapest: ...
Bellingham dhe Vinicius Jr marrin rritje të konsiderueshme p...
Betohen 20 kadetët e rinj të Qendrës për Studime Universitar...