Google ADS

SHBA pas një rikthimi sensacional mposht Serbinë

23:27 | 8 Gusht 2024
E.G

SHBA më një rikthim sensacional në finish të ndeshjes ia doli të mposht Serbinë, me rezultat 95:91.

Amerika dhe Serbia u ndeshen të enjten mbrëma në gjysmëfinalen e Lojërave Olimpike ‘Paris 2024’.

Dueli mes SHBA-së dhe Serbisë, ka prodhuar një superpërballje, sidomos dhjetëminutëshi i kësaj ndeshje ishte tejet dramatik.

Serbia ishte afër fitore pasi që kishte epërsinë më shumë së 10-të pikë në periudhën e tretë, mirëpo, në çerekun e fundit basketbollistët amerikan e morën lojën në duart e tyre dhe ia dolën të shkrijnë avantazhin e Serbisë, duke e fituar ndeshjen me katër pikë epërsi (95:91).

Basketbollisti Curry ishte lojtari më i mirë tek Amerika me 36 pikë të shënuara, tetë topa të kthyer e dy asistime.

SHBA në finale do të ndeshet me Francën e cila e eliminoi Gjermaninë./rtk/

Shpërndaje në rrjete sociale

Lajmet më të lexuara

Të ngjashme

Foto lajm