Ballkani ka pësuar humbje 1-0 pëballë Larnes në ndeshjen e parë të rrethit të tretë kualifikues për në fazën e grupeve të Ligës së Konferencës.
Pas vetëm tetë minutash, kampioni në fuqi i Superligës së Kosovës rrezikoi me anë të Ismajlgecit, por që goditja e tij nga gjuajtja e lirë ishte e pasaktë.
Hamidi rrezikoi në minutën e 15-të, por portieri i Larnes ishte shumë i vëmendshëm.
Ilir Daja u detyrua të bëjë zëvendësim, pasi Gentrit Halili (22’) u lëndua, duke lëshuar vendin për Gerab Smajlin.
Në minutën e 33-të, Karrica bëri një gjuajtje të fuqishme, por Ferguson e zgjati këmbën, duke shpëtuar Larnen.
Edhe 45 minutat e dytë filluan fuqishëm nga Ballkani, por që pësuan golin e disfatës.
Karrica dhe Kryeziu tentuan të shënonin në portën e Ferguson, por që portieri i Larnes mund të thuhet se ishte heroi i skuadrës së tij.
Skuadra mysafire filloi të kërkonte më shumë nga loja e tyre, ndërsa gjetën një hapësirë nga ndërprerja.
Larne ia doli të realizonte golin e fitores për 1-0 në minutën e 89-të, ku pas një rrëmuje në zonë, Aaron Donnelly ia fitoi ndeshjen mysafirëve.
Natyrisht se kjo humbje nuk i shkon përshtati Ballkanit, pasi do të jetë mysafir i Larnes në ndeshjen kthyese që zhvillohet javën e ardhshme. /Telegrafi/
Vendosen postera provokues për Policinë e Kosovës dhe Vetëve...
Nënshkruhen dy marrëveshje të grantit për energji efiçiente ...
Përfaqësuesi i Policisë së Kosovës merr pjesë në garat evrop...
Shqipëri/ Dhuna para Kuvendit, nën hetim 7 deputetë demokrat...
Rreziku nga përmbytjet në Shkodër, mblidhet Komisioni i Mbro...
Suhareka do bëhet me stadium të ri, komuna ndanë 13 hektarë ...