Google ADS

Konfirmohet se i vrari në Lloznicë të Serbisë është Faton Hajrizi

18:22 | 8 Gusht 2024
E.G

Personi i vrarë në Lloznicë të Serbisë më 19 korrik është Faton Hajrizi dhe trupi i tij gjendet në morgun e këtij qyteti.

Kështu ka konfirmuar për Arbresh.info avokati i familjes Hajrizi, Arianit Koci.

Avokati Koci ka bërë të ditur se i është lejuar që ta shohë edhe trupin e pajetë të Fatonit.

“Mbetet tash edhe ekspertët tanë ta konfirmojnë”, ka theksuar ai.

Koci ka bërë të ditur se është në proces të kryerjes së procedurave të tërheqjes së kufomës.

I arrestuar për të parën herë në vitin 2000 për vrasjen e një ushtari rus, Faton Hajrizi nga Komuna e Skenderajt, do të shndërrohej në një person me histori të gjatë kriminale dhe famë për shumë arratisje nga burgjet e Kosovës.

Për të fundit herë ai u arratis nga një burg i tipit të hapur në Kosovë, më 6 korrik të vitit 2024. Pak ditë më vonë u bë i dyshuar për vrasjen e një polici në Serbi dhe u vra deri sa ishte në arrati nga autoritetet serbe më 19 korrik./Arbresh.info/

LEXO EDHE:

Mediat serbe raportojnë se është vrarë Faton Hajrizi

Vrasje, grabitje e shumë arratisje – Kush ishte Faton Hajrizi?

Shpërndaje në rrjete sociale

Lajmet më të lexuara

Të ngjashme

Foto lajm