Ballkani dhe Drita sot zhvillojnë duelet evropiane

08:10 | 8 Gusht 2024
A B

Kampioni i Kosovës në futboll, Ballkani, sot me fillim nga ora 20:00 në stadiumin “Fadil Vokrri” do ta zhvillojë ndeshjen e rrethit të tretë të UEFA Conference League kundër kampionëve të Irlandës së Veriut.

Kjo njëherit është edhe ndeshja e parë zyrtare në këtë stadium, pas një kohe të gjatë pasi në të ishin zhvilluar punime në ndërrimit e barit të fushës.

Kampionët e Kosovës, që nga pjesmarrja e parë në kualifikimet e këtij kompeticioni, asnjëherë nuk janë eliminuar, duke shkuar dy herë në fazën e grupeve, synim të cilin e kanë edhe tani.

Kundërshtari i sotëm i skuadrës së Ilir Dajës, nuk është emër i panjohur.

Ballkani dhe Larne, janë takuar edhe vitin e kaluar, ku Ballkani triumfonte në të dyja ndeshjet, 3:0 në Prishtinë dhe 4:1 në Belfast.

Sot do të luajë edhe skuadra tjetër e Superligës së Kosovës.

Drita si mysafire do të përballet në Latvi me Audan.

Ndeshja nis nga ora 17:00 dhe luhet në stadiumin me emrin “Skonto”./klankosova/

Shpërndaje në rrjete sociale

Lajmet më të lexuara

Të ngjashme

Foto lajm