Bislimi mirëpret Kryetaren e Preshevës, Ardita Sinani

14:52 | 6 Gusht 2024
R J

Zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, mirëpriti në takim Kryetaren e Preshevës, Ardita Sinani.

Së pari, zëvendëskryeministri Bislimi e uroi kryetaren për rezultatin në zgjedhjet e fundit dhe fillimin e mandatit të ri. Më tej, ata diskutuan mbi rëndësinë e mbrojtjes dhe ruajtjes së identitetit kulturor të shqiptarëve në Serbi, i cili në vazhdimësi përballet me politika destruktive nga Beogradi zyrtar.

 Qeveria e Republikës së Kosovës qëndron në mbështetje të plotë të bashkëkombasve tanë shqiptarëve në Luginën e Preshevës, e ku në vazhdimësi nuk ka munguar as përkrahja financiare në shërbim të mbrojtjes së gjuhës, kulturës, traditave të shqiptarëve atje.


Shpërndaje në rrjete sociale

Lajmet më të lexuara

Të ngjashme

Foto lajm