Google ADS

Kapet kokaina me vlerë 1 milionë euro në portin e Greqisë

21:56 | 5 Gusht 2024
KRG

Një sasi lënde narkotike kokainë që vinte nga Ekuadori është sekuestruar në portin e Pireut në Greqi.

Policia greke njofton se Oficerët e Drejtorisë së Narkotikëve dhe Kontrabandës, Grupit Rajonal të Narkotikëve dhe Sigurisë pranë Autoritetit Portual Qendror të Pireut zbuluan dhe sekuestruan një sasi kokaine, vlera e së cilës kalon një milion euro (1.000.000 euro).

30 pako me një sasi kokaine me një peshë totale prej 34 kilogramësh dhe  354 gramë u gjetën brenda një anijeje që kishte lundruar për në terminalin e kontejnerëve në portin e Pireut.

Kokaina ishte vendosur në një enë frigoriferike brenda kontejnerit me banane që ishte ngarkuar në një port ekuadorian. Një hetim pasoi në dy kontejnerë të tjerë, por rezultuan të pastër.

Lënda narkotike e gjetur u sekuestrua pranë Autoritetit Qendror Portual të Pireut, i cili po kryen hetimet paraprake, të cilat më pas do t’i dërgohen Kimisë së Përgjithshme të Shtetit, njofton policia greke./TCh

Shpërndaje në rrjete sociale

Lajmet më të lexuara

Të ngjashme

Foto lajm