Google ADS

Zgjedhjet në Himarë, KQZ: Deri në orën 16:00 kanë votuar 31.37 për qind

16:51 | 4 Gusht 2024
E.G

Qytetarët e Bashkisë së Himarës që prej orë 07:00 i janë drejtuar qendrave të votimit për të zgjedhur kryetarin e ri të këtij institucioni, i cili do t’i drejtojë për tre vitet e ardhshme

Komisioni Qendror i Zgjedhjeve ka publikuar rezultatet paraprake deri në orën 16:00

Sipas këtyrë të dhënave, pjesëmarrja e numrit të votuesve në zgjedhjet e pjesshme për kryetarin e bashkisë së Himarës është 31.37%.

Komisioni Qendror i Zgjedhjeve thekson se identifikimi i zgjedhësve bëhet përmes pajisjes elektronike të identifikimit dhe deri tani nuk raportohen problematika.

Në zgjedhjet e pjesshme për kryebashkiak të Himarës janë dy kandidatë, Vangjel Tavo nga Partia Socialiste dhe kandidati i koalicionit opozitar, Petro Gjikuria.

Qendrat e votimit janë hapur në orën 07:00 dhe do të mbyllen në orën 19:00, sipas afatit ligjor.

Sipas të dhënave, numri i qytetarëve me të drejtë vote në Himarë është 23.074.

/rtsh.al/

Shpërndaje në rrjete sociale

Lajmet më të lexuara

Të ngjashme

Foto lajm