Çekët Katerina Siniakova dhe Tomas Machac fituan medaljen e artë në dyshe të përziera në tenis pasi kaluan një situatë komplekse personale. Ata janë një çift në pistë… por të tillë ishin gjithashtu edhe jashtë saj deri disa javë para Lojërave Olimpike.
Ndarja nuk i pengoi ata të arrinin në finale dhe të mundnin çiftin kinez të formuar nga Zhang Zhizhen dhe Wang Xinyu me rezultat 6-2, 5-7 dhe 10-8.
Në Paris, në qytetin e dashurisë, tashmë po përflitet për një pajtim mes kampionëve olimpikë, të cilët bënë gjeste dashurie edhe në podium.
Dyshja çeke kishin qenë në romancë që nga viti 2020, por gjatë një turneu në Pragës, të mbajtur në fund të korrikut, Siniakova zbuloi se kishte ndërprerë marrëdhënien e saj me Machac.
Ishte e pashmangshme pyetja nëse plani i tyre për të marrë pjesë së bashku në Lojëra Olimpike ishte ende duke vazhduar. “Po, sigurisht. Është çështje private, por sigurisht që do të luajmë bashkë. Ne jemi profesionistë ”, kishte sqaruar ajo.
Këtë gjë e treguan që nga ndeshja hapëse kundër çiftit gjerman Laura Siegmund dhe Alexander Zverev dhe deri në finale.
Siniakova, 28 vjeç, është një nga specialistet më të mira në lojën në dyshe. Ajo kishte fituar medaljen e artë në dyshe për femra në Tokio 2020 së bashku me Barbora Krejcikova. Dyshja kanë shtatë trofe Grand Slam, duke përfshirë katër të mëdhenjtë: Australian Open në 2022 dhe 2023, Roland Garros në 2018 dhe 2021, Wimbledon në 2018 dhe 2022 dhe USA Open në 2022.
Ajo më pas krijoi një çift me Coco Gauff, mbajtësin e flamurit amerikan në Paris, me të cilin pushtoi Roland Garros në të njëjtin vit, dhe me Taylor Townsend , me të cilin përsëriti suksesin në Wimbledon.
Machac, 23 vjeç, nuk ka arritur rezultate aq të mira, por mund të largohet nga Parisi me dy medalje. Ai mund t’i shtojë koleksionit të tij një të bronztë në dyshe për meshkuj këtë të shtunë. /Telegrafi/
Kryesia e Kuvendit mblidhet të hënën, ky është rendi i ditës
‘Kevin, të dua shumë’ – Ana i dërgon mesazh nga jashtë
Izraeli godet me raketa një ndërtesë në Bejrut, të paktën 4 ...
Sancho mund të largohet nga Chelsea, por jo nga Anglia – atë...
Trump zgjedh financierin Scott Bessent për Sekretar të Thesa...
Horoskopi, parashikimi i yjeve për fundjavën
Skip to content
