Kandidati i PS-së për zgjedhjet në bashkinë e Himarës, Vangjel Tavo u shpreh se diferenca e votave është e madhe.

Tavo po ashtu theksoi se nuk ka terren në Himarë për ata që duan kaos, përcjell Arbresh.info.

“Ata që janë përpjekur të gjejnë sheshe për të bërë përshesh, mbaroi historia e atyre që shfrytëzuan Himarën për interesa të ngushta politike dhe private. Himara është e himarjotëve. Çdokush është i lirë të flasë për çfarë të dojë, u flas të gjithëve në rruge,. Duan të flasin greqisht, u flas greqisht. Duan shqip, u flas shqip, edhe anglisht u flas. Po bëhemi gati në mënyrë që Himara të ndodhë ndryshimin e madh.”, tha ai.

Kurse shoqëruesi i tij në mbyllje të fushatës, kryeministri i Shqipërisë, Edi Rama, u shpreh se  partia e tyre ka shumë potencial dhe për më shumë për vitin tjetër.

“Kur del ai atje e thotë ‘do bëjmë tërmet’, kur dal unë e them shifra, këta kujtojnë se ne kemi ndarë lekët dhe kemi blerë votat. Ne kemi sistemin që e dimë rezultatin për shkak të sondazheve dhe kontakteve. I kemi bërë edhe para një jave dhe e dimë se kur do dalë pak a shumë rezultati. Partia jonë është parti, kemi shumë potencial edhe për më shumë. Vitin tjetër”- u shpreh Rama.