Google ADS

Zhytësit në Balltik gjejnë një anije të fundosur në shekullin 19-të plot me shishe shampanje

23:02 | 29 Korrik 2024
E.H

Zhytësit zbuluan një anije të fundosur të shekullit të 19-të, që përmbante shishe shampanjë, në brigjet suedeze. Një grup nga Polonia po zhytej në Baltik 20 milje detare (rreth 37 kilometra) në jug të ishullit Åland, kur aksidentalisht gjetën një varkë që besohet se ishte një anije tregtare, raporton Guardian.

Zhytësit numëruan rreth 100 shishe shampanjë në zonën e ngarkesave të anijes, si dhe porcelan dhe ujë mineral.

“E gjithë rrënoja është e mbushur deri në buzë me arka shampanjë, ujë mineral dhe porcelani. Kam 40 vjet që zhytem dhe ndodh shpesh që të ketë një ose dy shishe… por të zbulosh një gërmadhë me kaq shumë ngarkesë, kjo nuk më ka ndodhur kurrë”, tha Tomasz Stachura, udhëheqës i grupit të zhytjes “Baltictech”.

Zhytësit thanë se kishin informuar autoritetet rajonale suedeze për rrënojat, por se do të duhej kohë për të nxjerrë shishet e shampanjës në breg.

Shpërndaje në rrjete sociale

Lajmet më të lexuara

Të ngjashme

Foto lajm