Artem Dovbyk në Serie A, gjiganti italian fillon bisedimet me Gironën

08:18 | 25 Korrik 2024
E.G

Artem Dovbyk pritet të largohet nga Girona për të bërë një hap para në karrierën e tij.

Sulmuesi ukrainas ka pasur një sezon shumë të mirë në La Liga me fanellën e Gironës dhe shumë skuadra të mëdha janë vënë pas tij.

Arsenal, Borussia Dortmund, Juventus, Milan dhe Atletico Madrid prej kohësh kanë shfaqur interesim për Dovbyk.

Megjithatë së fundmi në garë është futur fuqishëm edhe Roma, pasi kërkon transferimin e sulmuesit ukrainas.

Giallorosët e duan ukrainasin si sulmuesin kryesor dhe tanimë kanë nisur bisedimet me Gironën për transferimin e tij.

Roma është e gatshme të ofrojë 35 milionë euro plus disa të tjera në formë bonusesh, derisa Girona vazhdon të ketë kërkesa prej 50 milionë eurove.

27-vjeçari në vitin e tij të parë me Gironën ka shënuar 25 gola dhe ka asistuar në 10 të tjerë në 41 ndeshje zyrtare. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm