Ministrja e Punëve të Jashtme dhe Diasporës, Donika Gërvalla, priti sot në takim kryetarin e Komunës së Strigarit, Damiano Baffa, komunë kjo arbëreshe në Kalabri të Italisë.
Në takim u bisedua edhe rreth përgatitjeve për ngjarjen “Ditët Arbëreshe në Kosovë”, e cila është iniciativë e MPJD-së pas vizitës së ministres Gërvalla në komunat arbëreshe gjatë festës së Pashkëve të këtij viti.
Gjatë takimit, u diskutua për rëndësinë e ruajtjes dhe promovimit të identitetit arbëresh dhe përmirësimin e pozitës së këtij komuniteti në Itali.
“Republika e Kosovës mbetet e përkushtuar për të ruajtur dhe promovuar identitetin e komunitetit arbëresh si një shembull unik i ruajtjes shekullore të gjuhës, identitetit, traditës dhe kulturës arbëreshe” tha Ministrja Gërvalla.
Në fund të takimit, Gërvalla dhe Baffa shprehën angazhimin për të vazhduar bashkëpunimin me hapa konkret drejt konkretizimit të bashkëpunimit mes Republikës së Kosovës dhe komunave arbëreshe në Itali në fusha të ndryshme./Arbresh.info
Vikendi me diell, temperaturat shkojnë deri në 22 gradë Cels...
Bjellorusia e ndërpret ndërtimin e kampit ushtarak afër kufi...
Gjermania kërkon kontrolle shtesë për emigrantët
Problemet me gjumin tek personat që vuajnë nga artriti, ja d...
Mbi 29 000 emigrantë kanë kaluar La Manshin këtë vit
Hakerat kinezë synuan të marrin të dhëna nga telefonat e Don...