Gjykata Themelore në Mitrovicë – Dega në Vushtrri ka caktuar masën e paraburgimit prej një muaji kundër të pandehurëve H.XH dhe E.B, për shkak të dyshimit të bazuar se kanë kryer veprën penale “Dhënia e ndihmës kryesve pas kryerjes së veprave penale”.
Kështu bën të ditur gjykata me anë të një njoftimi për media, shkruan Arbresh.info.
Njoftimi i plotë:
Gjykata Themelore Mitrovicë- Dega në Vushtrri ka caktuar masën e paraburgimit kundër të pandehurëve H.XH dhe E.B
Vushtrri, 22 Korrik 2024 – Gjykata Themelore në Mitrovicë – Dega në Vushtrri, Departamenti i Përgjithshëm, Divizioni Penal, ka vendosur lidhur me kërkesën e Prokurorisë Themelore në Mitrovicë, për caktimin e masës së paraburgimit kundër të pandehurëve H.XH dhe E.B, për shkak të dyshimit të bazuar se kanë kryer veprën penale “Dhënia e ndihmës kryesve pas kryerjes së veprave penale” nga neni 380 par.1 të Kodit Penal të Republikës së Kosovës.
Gjyqtari i procedurës paraprake e ka aprovuar kërkesën e Prokurorisë Themelore në Mitrovicë për caktimin e masës së paraburgimit kundër të pandehurëve H.XH dhe E.B dhe të njëjtëve i’u është caktuar masa e paraburgimit në kohëzgjatje prej një (1) muaji.
Kundër këtij aktvendimi, palët e pakënaqura kanë të drejtë ankese në Gjykatën e Apelit, përmes Gjykatës Themelore Mitrovicë – Dega në Vushtrri./Arbresh.info/
Uji depërton në Klinikën e Pediatrisë, pacientët detyrohen t...
Moisiu: Sulmi në Banjskë i organizuar direkt nga Beogradi
PE synon që vendet e Ballkanit Perëndimor të jenë më pranë B...
Rama: Të martën rihapet Shtëpia e Kulturës në Llukar
Situata nga reshjet, Vengu: 24 efektivë të FA-së në Vlorë
Osmani ndan fotografi nga darka e organizuar nga presidenti ...