Zëvendëskryeministrja e Kosovës, Donika Gërvalla, është takuar sot me Ambasadorin e Shteteve të Bashkuara të Amerikës në Kosovë, Jeff Hovenier.
Gërvalla ka thënë se në këtë takim kanë folur për situatën politike në vend dhe pritjet e qytetarëve të Republikës së Kosovës për mbështetje të fortë të miqve, partnerëve dhe aleatëve në reformat e rëndësishme, shkruan Arbresh.info.
“Në takimin e rregullt me Ambasadorin e SHBA-së në Kosovë, Jeff Hovenier, diskutuam për aktualitetin politik në Kosovë dhe pritjet e qytetarëve të Republikës së Kosovës për mbështetje të fortë të miqve, partnerëve dhe aleatëve në reformat e rëndësishme drejt forcimit të shtetit ligjor dhe standarteve të demokracisë, luftimit të krimit dhe korrupsionit dhe reformave të thella në fusha të rëndësishme si arsimi, shëndetësia dhe administrata publike. Theksova nevojën për një bashkëpunim edhe më intensiv në nisma rajonale dhe globale”, ka shkruar Gërvalla.
Ajo shtoi se takime të tilla i shërbejnë jo vetëm forcimit “të partneritetit të fortë dhe të qëndrueshëm” ndërmjet Kosovës dhe SHBA-ve, por gjithashtu theksojnë rëndësinë e bashkëpunimit të ngushtë në arritjen e qëllimeve tona të përbashkëta strategjike dhe diplomatike. /Arbresh.info/
Një mbretëri e fshehur virusesh jeton në zorrët tona
Kusari-Lila thotë se Qeveria Kurti ia çjerri maskën Vuçiqit ...
Sinani: Nga nesër nis grumbullimi i qenve endacak në Preshev...
Rama takim nesër me kryebashkiakët socialistë dhe drejtuesit...
Flick ka katër opsione për ta zëvendësuar Olmon e lënduar nd...
I dyshuari për atentat ndaj Trumpit akuzohet për dy vepra pe...