Polici i vrarë serb, Nikola Krsmanoviq pjesëtar i Policisë Kufitare, do të varroset të shtunën në varrezat e fshatit në Jarebice, fshati i tij i lindjes afër Loznicës.
Siç raporton media serbe “Novosti”, në Loznicë të shtunën do të jetë ditë zie për vdekjen e një polici, ndërsa të dielën do të ketë përkujtim në Shtëpinë e Kulturës së Vukut, shkruan Arbresh.info.
Autoritetet serbe, përgjegjës për këtë vrasje e kanë bërë shtetasin kosovar, Artan Hajrizi, pasi thonë se në vend të ngjarjes është gjetur një pasaportë e Kosovës me emrin e tij.
Është raportuar se i dyshuari Artan Hajrizi ka qenë duke udhëtuar me një taksi, i vetëm me shoferin, mirëpo informacionet e fundit thonë se në fakt, në veturë ka qenë vëllai i tij, Faton Hajrizi.
Artan Hajrizi ka mohuar të ketë pasur dorë në vrasjen e një polici në Serbi.
Ai, për Dukagjinin ka thënë se gjendet në Gjermani, derisa ka pretenduar se i janë vjedhur dokumentet identifikuese.
“Jam në policinë e Gjermanisë në Honiver, i kam lajmëru që m’i kanë vjedhur dokumentet e janë ecë”, ka thënë Artan Hajrizi.
Artan Hajrizi, i cili po kërkohet nga autoritetet e Serbisë për vrasjen e policit serb, tha se vëllai i tij Faton Hajrizi ka qëndruar te ai dhe ia ka marrë dokumentet.
“Dokumentet m’i ka marrë se kuletën e la në tavolinë në korridor me çelësa me krejt e vëllai ka ndejtë te unë”, tha ai.
LEXO EDHE:
Vrasja e policit në Serbi/ Mediat në Bosnje raportojnë për një të arrestuar në lidhje me rastin
“Kam trashëguar një skuadër të mirë nga Klopp”, Arne Slot re...
Vdekja misterioze e Tupac, hetuesja: P Diddy është i përfshi...
Kryesia e Kuvendit mblidhet nesër, këto janë pikat që do të ...
Taksistit në Prishtinë ia grabitin 100 euro nën kërcënimin e...
Policia ndalon dy persona në Zubin Potok, dyshohet se hynë i...
Gazeta spanjolle shkruan për Vlorën: Eksploroni perlën e fsh...