Ministri i Infrastrukturës, Liburn Aliu ka thënë se është nënshkruar memorandumi për rindërtimin e 114 zonave kadastrale për 32 komuna të Kosovës.
Aliu thekson se është hapur një etapë e re për rindërtimin e kadastrit.
“Pas miratimit të Ligjit për Kadastër, si dhe pas hartimit dhe nënshkrimit të një sërë pakoje të udhëzimeve administrative, sot kemi hapur një etapë të re për rindërtimin e kadastrit, rrjedhimisht rregullimin e sistemit të adresave, si dhe ndërlidhjes së sistemit të adresave për të gjithë qytetarët”, shkruan ministri në Facebook.
Sipas tij këto projekte janë jashtëzakonisht të rëndësishme për vendin tonë dhe do të mund të realizohen në bashkëpunim të ngushtë në mes të nivelit qendror, ministrisë, komunave, agjencisë kadastrale dhe të gjitha drejtorive që kanë të bëjnë me pronat njëherit përmes projektit të RK-së do të inçizohen edhe objektet pa leje, të cilat do t’i kursejnë qytetarëve një shumë të majme për matjet gjeodezike të tyre, e po ashtu lehtësojë legalizimin e objekteve.
Aliu thotë se do të përfshihen 114 zona kadastrale.
“Tashmë, jemi angazhuar maksimalisht për realizimin e projektit të Rindërtimit të Informacioneve Kadastrale të cilat do të përfshijnë 114 Zona Kadastrale, dhe përfitues të drejtpërdrejtë nga ky projekt do të jenë qytetarët e zonave kadastrale në të gjitha Komunat e vendit”, shkruan ministri Aliu./Arbresh.info/
Persona të panjohur vendosin një arkivol të zbrazët para një...
Sulmi fizik ndaj kryetarit të Pejës dhe një tjetër personi, ...
Policia shqiptoi mbi 1 mijë e 700 gjoba trafiku për 24 orë
Aksident në Banjë të Malishevës, vdes një person
Gjendet pa shenja jete një person në Leposaviq
A po “braktiset” Lëvizja Vetëvendosje nga deputetët e saj pë...