Gjenerallejtënanti i Forcës së Sigurisë së Kosovës (FSK), Bashkim Jashari ka pritur sot në takim Përfaqësuesin Ushtarak të Mbretërisë së Bashkuar në NATO dhe BE, Gjenerallejtënant Ian Cave CB.
Jashari i ka uruar mirëseardhje Gjeneralit Cave dhe e falënderoi për mbështetjen e vazhdueshme që Mbretëria e Bashkuar ofron në aspektin bilateral si dhe në kapacitetin e tij si përfaqësuesin ushtarak të Mbretërisë së Bashkuar në NATO dhe BE, shkruan Arbresh.info.
“U potencua bashkëpunimi i shkëlqyeshëm në mes të Forcave të Armatosura të Mbretërisë së Bashkuar dhe Forcës së Sigurisë së Kosovës në trajnime, stërvitje dhe zbarkime të përbashkëta, gjithashtu Gjeneral Jashari e ka njoftuar gjeneralin Cave me të arriturat e FSK-së, planin e tranzicionit dhe që fokusi i tij si komandant në kuadër të këtij plani janë zhvillimi i regjimenteve të këmbësorisë dhe kapacitetet specialistike në njësi të tjera.”, thuhet nw njoftimin e FSK-sw.
Ndwrkaq, Gjenerali Cave e falënderoi Gjeneral Jasharin për pritjen dhe e përgëzoi për zhvillimin e FSK-së, në ngritjen e kapaciteteve të saj.
Të dy gjeneralët gjithashtu biseduan për situatën e sigurisë në Kosovë dhe rajon si dhe faktin që FSK është forcë që kontribuon në sigurinë e rajonit dhe më gjerë.
Mes tjerash, Gjeneral Jashari u shpreh që FSK është e gatshme që të vijojë tutje zhvillimin e saj si dhe të bëjë të gjitha veprimet e duhura që të bëhet forcë profesionale dhe e ndërveprueshme me NATO-n dhe aleatët e saj./Arbresh.info/
Inteligjenca Artificiale, si po na ndryshon mënyrën si mendo...
Veliaj inspekton punimet për rikonstruksionin e shkollës 9-v...
Konjufca ngacmon PDK-në dhe LDK-në, reagojnë Tahiri dhe Gash...
Zyrtare: Man United e shkarkon nga posti i trajnerit holande...
Shefi i Gardës Revolucionare të Iranit paralajmëron për “pas...
Nesër mbahet panairi i universiteteve franceze në Prishtinë ...