Osmani takoi kryeministrin bullgar, flasin për aspiratat e Kosovës për anëtarësim në NATO

09:16 | 10 Korrik 2024
E.G

Presidentja e Kosovës, Vjosa Osmani është takuar me kryeministrin  e Bullgarisë, Dimitar Glavchev në margjinat e Samitit të NATO-s.

Me anë të një postimi në Facebook, Osmani tha se në takim u diskutua angazhimi i përbashkët për stabilitetin dhe sigurinë rajonale, shkruan Arbresh.info.

Po ashtu, është diskutuar edhe për aspiratat e Kosovës për anëtarësim në NATO.

“Me Kryeministrin e Bullgarisë, Dimitar Glavchev, takimi ynë në margjina të Samitit të NATO-s u fokusua në partneritetin e fortë ndërmjet Kosovës dhe Bullgarisë dhe angazhimin tonë të përbashkët për stabilitetin dhe sigurinë rajonale.  Gjithashtu diskutuam edhe për aspiratat e Kosovës për anëtarësim në NATO dhe mbështetjen e vazhdueshme nga partnerët tanë bullgarë.”, ka shkruar Osmani./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm