Ministrja e Arsimit, Arberie Nagavci ka bërë të ditur se MASHTI do të ndajnë bursa në vlerë prej 1 mijë euro për studentët të cilët regjistrohen në programin “Gjuhë shqipe” ose në “Letërsi shqipe” të Fakultetit të Filologjisë në Universitetin e Prishtinës.
Me anë të një postimi në Facebook, Nagavci theksoi se ndarja e bursave vjen më qëllim të promovimit dhe zhvillimit të mëtejmë të shkencave të albanistikës, përcjell Arbresh.info.
Postimi i plotë:
Filloni studimet në programin Gjuhë shqipe ose në programin Letërsi shqipe të Fakultetit të Filologjisë dhe përfitoni bursën studentore në vlerë prej 1000 (njëmijë) euro nga MASHTI
Me qëllim promovimin dhe zhvillimin e mëtejshëm të shkencave të albanistikës, me vëmendje të veçantë programet e gjuhës shqipe dhe të letërsisë shqipe brenda Fakultetit të Filologjisë, muaj më parë kemi nënshkruar Marrëveshje bashkëpunimi me Universitetin e Prishtinës “Hasan Prishtina”.
Në kuadër të kësaj Marrëveshje, MAShTI për herë të parë do të ofrojë bursa vjetore për studentët që regjistrohen në programet Bachelor dhe Master në degët Gjuhë shqipe dhe Letërsi shqipe në Fakultetin e Filologjisë të UP-së. Shuma e bursës është 1 mijë euro në vit për student.
UP tashmë ka hapur konkursin për pranimin e studentëve në vitin e parë të studimeve./Arbresh.info
Raportohet për sulme ajrore izraelite në Siri
Djathtistët evropianë mbështesin Salvinin para vendimit gjyq...
Me diell dhe vranësira, parashikimi i motit për pesë ditë
Aksidenti në Badoc, Pacolli: Më tronditi shumë humbja e jetë...
Rama nesër nënshkruan kontratën me operatorët privatë të tra...
Tragjedia në Badoc, Kurti: I lus qytetarët që të kenë kujdes...