Dhuna në Meksikë, gjenden 6 trupa të pajetë në Acapulco

08:31 | 8 Korrik 2024
E.G

Trupat e të paktën 6 personave janë gjetur në zona të ndryshme të qytetit portual meksikan, Acapulco, i goditur prej dekadash tashmë nga krimi i organizuar.

Dy trupa u zbuluan mbrëmjen e së shtunës në bagazhin e një taksie dhe katër të tjerët të dielën në lagje të ndryshme të Acapulcos, ndërsa disa mjete shpërthyese u hodhën në një stacion policie në qytet.

Zona e famshme bregdetare në bregun e Paqësorit ndodhet në shtetin meksikan të Guerrero, një nga më të prekurit nga aktivitetet kriminale të karteleve të drogës. Në vitin 2023, aty u regjistruan rreth 1,890 vrasje./abcnews.al

Shpërndaje në rrjete sociale

Lajmet më të lexuara

Të ngjashme

Foto lajm