Kushdo që do të bëhet polic në Shqipëri, tashmë do të kalojë edhe në verifikimin e SPAK-ut

18:40 | 7 Korrik 2024
E.H

Të gjithë ata që duan të bëhen polic në Shqipëri, tash e tutje duhet të vërtetojnë që nuk janë nën hetim apo ndjekje penale nga SPAK-u.

Kjo do të bëhet krahas një sërë vërtetimesh tjera nga prokuroritë dhe gjykatat e juridiksionit të përgjithshëm.

Dhjetra të rinj kanë aplikuar në prokurorinë e posaçme duke marrë përgjigjen brenda 5 ditëve, raporton euronews.al.

Shtimi i këtij filtri vjen në një kohë kur efektivë policie të niveleve të ndryshme kanë rezultuar të implikuar në veprimtari kriminale pas zbardhjes së komunikimeve të enkriptuara në aplikacionin SKY ECC nga SPAK.

Shqetësimin për implikimin dhe bashkëpunimin e efektivëve të strukturave të ndryshme me grupet kriminale e ka shfaqur edhe kreu i SPAK-ut Altin Dumani.

SPAK-u, aktualisht po heton disa procedime penale të tjera lidhura me aplikacionin SKY ECC që pritet të zbardhin ngjarje dhe veprimtari kriminale e ku ka dyshime se janë të implikuar pjesëtarë apo ish-pjesëtar policie.

Shpërndaje në rrjete sociale

Lajmet më të lexuara

Të ngjashme

Foto lajm