Agjencia e Kosovës për Inteligjencë shpall konkurs për 12 pozita pune

10:37 | 5 Korrik 2024
A Z

Agjencia e Kosovës për Inteligjencë ka shpallur konkurs pune për 12 pozita.

Në njoftimin në faqen zyrtare të AKI-së, bëhet e ditur se pozitat vlejnë në fushat: Inteligjencë, Siguri të teknologjisë informative dhe rrjeta, Programim, Mbështetje të teknologjisë informative, Kibernetikë, Auditim financiar, Auditim të performancës, Auditim të teknologjisë informative, Auditim të pajtueshmerisë, Auditim të brendshëm, Siguri fizike si dhe Higjienë.

“Kandidatët për punësim në AKI do t’i nënshtrohen procedurës së ekzaminimit mjekësor, verifikimit të sigurisë dhe mund t’u nënshtrohen edhe kushteve tjera specifike”, thuhet në përshkrimin e kritereve për përzgjedhje. Konkursi do të jetë i hapur pesëmbëdhjetë ditë kalendarike nga data e publikimit në web-faqen zyrtare të AKI dhe në mjetet e informimit, përkatësisht deri me datën 19 korrik./rtk

Shpërndaje në rrjete sociale

Lajmet më të lexuara

Të ngjashme

Foto lajm