Një zjarr i përmasave të mëdha ka rënë në Dhërmi, Flakët kanë përpirë sipërfaqe me pemëtari dhe ullinj, ndërsa era e fortë në zonë favorizon përhapjen. Si pasojë e flakëve, rrezikohet edhe një numër banesash.
Në ndihmë të forcave zjarrfikëse janë edhe banorët, që po bëjnë të pamundurën për të izoluar flakët dhe të mos lejuar hapjen e mëtejshme të tij.
Raportohet se në vendngjarje ka mbërritur edhe një helikopter, që po punon për shuarjen e flakëve. Ministri i Mbrojtjes, Niko Peleshi shkruan se Forcat e Armatosura, Agjencia dhe Mbrojtjes Civile janë të gatishmëri.
“Helikopteri Cougar dhe efektivë të FA kanë shkuar në ndihmë të forcave që po përpiqen të shuajnë zjarrin e rënë këtë pasdite në Dhërmi. Për shkak të terrenit të vështirë, situata ka qenë disi problematike për ndërhyrjen me mjete, por trupat janë duke punuar për të vënë në kontroll të plotë flakët. U bëjmë thirrje të gjitha strukturave vendore të ndërhyjnë menjëherë kur vënë re vatra zjarri për të mos lejuar që ato të përhapen në terren më të gjerë. FA, Agjencia e Mbrojtjes Civile dhe Ministria e Mbrojtjes janë në gatishmëri të plotë në çdo rast, kur kërkohet ndihma e tyre”, shkruan Peleshi./ rtsh.al /
Zelanda e Re goditet nga një tërmet i fortë
Dalin në shitje biletat për ndeshjen Gjeorgji – Shqipëri
Komuna e Malishevës bëhet me 5 mjete për pastrimin e rrugëve
Mirlind Daku shënon gol në fitoren e Rubin Kazanit
Pjesëtarë të Forcës Reaguese të Aleatëve shfaqen te Ura e Ib...
Prishtina e Re reagon pas humbjes nga Flamurtari: U dëmtuam ...