Sot është 248 vjetori i shpalljes së pavarësisë së Shteteve të Bashkuara të Amerikës.

Dita e Pavarësisë së SHBA-së, e festuar çdo vit më 4 korrik , është një festë e rëndësishme kombëtare në Shtetet e Bashkuara që përkujton shpalljen e pavarësisë së vendit nga Britania e Madhe më 4 korrik 1776.

Për nder të kësaj dite, qytetarët kanë shprehur urimet shtetin amerikan, ku sipas tyre, ky shtet është një mik i pandashëm i Kosovës.

Një qytetar tha se pa ShBA-n, ne nuk do të kishim këtë liri që po e gëzojmë sot.

“Ne do të jemi mirënjohës tërë jetën për sa ekziston populli shqiptar, pa Shtetet e Bashkuara të Amerikës, ne do të kishim këtë liri që po e gëzojmë, zoti e bekoftë Amerikën”, u shpreh ai.

Një qytetar tjetër thotë se kur ke mikun e fort edhe vetë je i fort, duke pretenduar për SHBA-të si miku më i madh i popullit shqiptar.

“Sot e feston shteti yt mik 248 vjetorin e pavarësisë së saj, edhe ne jemi të fortë, kur mikun e kemi të fortë”, tha një qytetar tjetër.

Një qytetar tjetër, tha se ShBA është miku ynë që na ka ndihmuar në çlirimin e vendit.

“Po sigurisht që kemi urim për Shtetet e Bashkuara të Amerikës, është miku ynë që na ka ndihmuar dhe në çlirimin e vendit, unë personalisht jam njëri prej ushtarëve të UÇK-së që kam përfitu direkt ndihma nga Amerika, zoti e bekoftë Amerikën”, tha ai.

Ndryshe, 4 korriku përfaqëson pavarësinë dhe patriotizmin amerikan. Ai nderon idetë e lirisë, demokracisë dhe kërkimit të lumturisë mbi të cilat u krijua vendi. Shtëpia e Bardhë priti festimet e saj inauguruese të 4 korrikut në 1801. Që atëherë, ajo ka qenë një ngjarje vjetore./Arbresh.info/