Presidentja e vendit, Vjosa Osmani, ka bërë homazhe në nderim të jetës dhe veprimtarisë artistike, të kolosit dhe gjeniut të letrave shqipe, Ismail Kadare.
Me anë të një postimi në Facebook, Osmani ka shkruar se veprat e Ismail Kadaresë ndriçuan cepat më të errët të historisë.
Tutje, Osmani ka theksuar se për kombin shqiptar, vetë ekzistenca dhe vepra e Ismail Kadaresë është triumf i kulturës mbi injorancën dhe i lirisë mbi diktaturën.
Postimi i plotë:
Me zemër të rënduar i thamë lamtumirë penës së shquar dhe kolosit të papërsëritshëm, fjalët e të cilit kapërcyen kufijtë, kulturat dhe kohën.
Për dekada të tëra, veprat e Ismail Kadaresë ndriçuan cepat më të errët të historisë dhe shpirtit njerëzor. Aftësia e tij për të gërshetuar historinë, mitet dhe realitetin, e bëri zërin e tij një nga më të veçantët dhe më të fuqishmit në letërsinë bashkëkohore. Prandaj, jemi përgjithmonë mirënjohës për veprat që na la.
Liria e Kosovës për të ishte triumfi i kombit shqiptar. Ndërkaq, për kombin shqiptar, vetë ekzistenca dhe vepra e Ismail Kadaresë është triumf i kulturës mbi injorancën dhe i lirisë mbi diktaturën.
Lamtumirë, titani i letërsisë, Ismail Kadare!/Arbresh.info
Arrestimi i Metës, avokati: Akuzohet për 3 vepra penale
O’Brien dhe Hovenier mbjellin pemë në nderim të ish-ambasado...
Kurti: Barazia gjinore, shtyllë thelbësore e të drejtave të ...
Tollovia në Merdare u kushton bizneseve
Jordan Johnson, MVP i javës së gjashtë në elitën e basketbol...
ARKEP autorizoi Starlink për të ofruar shërbime në Kosovë